P30 Rátaí Pá Athbhreithnithe do Choimhdirí Bus 2025/2026
1. Réamhrá
Faoi Chiorclán 0061/2026, tá an ráta pá in aghaidh na huaire do choimhdirí bus scoile le méadú an 1 Meitheamh 2026.
2. Méadú ar an Ráta in aghaidh na hUaire
Ón 1 Meitheamh 2026, tá an bunráta pá in aghaidh na huaire do choimhdirí bus méadaithe ó €15.82 go €15.98 in aghaidh na huaire, féach Aguisín 3 de Chiorclán 0061/2026.
3. Pá Saoire
Ba cheart pá saoire a ríomh ag ráta 8% den ráta in aghaidh na huaire. Níor cheart pá saoire a chur leis an mbunráta pá agus ba cheart é a íoc mar íocaíocht ar leith i rith shaoirí na Nollag, na Cásca agus an tsamhraidh.
4. Liúntas Riaracháin
San áireamh sa deontas tá liúntas riaracháin a ríomhtar ag 5% de na huaireanta a oibríonn coimhdirí bus. Cabhraíonn an liúntas sin leis an scoil costais fostaithe coimhdirí bus a sheasamh.
5. Scaipeadh
Iarrtar ort a chinntiú go scaiptear cóipeanna den chiorclán agus den treoirlíne ar chomhaltaí uile an bhoird bainistíochta agus go dtarraingítear aird gach coimhdire bus atá fostaithe agaibh orthu, iad siúd atá ar saoire san áireamh.
6. Ábhar Tagartha
Tá an treoirlíne seo bunaithe ar Chiorclán 0061/2026.
7. Tuilleadh eolais
Is féidir tuilleadh eolais nó soiléiriú a fháil ar aon cheann de na saincheisteanna sa Treoirlíne seo ach dul i dteagmháil le FSSU nó ríomhphost a chur chuig escorttransport@education.gov.ie.