Clár Sláinte Scoile – Sonraí agus Faisnéis a Roinnt le FSS
Tagraím don litir uaim ar an 28 Lúnasa 2024 maidir le Clár Sláinte Scoile FSS agus maidir le sonraí agus faisnéis a roinnt le FSS. Tá Clár Sláinte Scoile FSS mar chuid de chlár uilíoch na hÉireann um chúram cliniciúil do gach leanbh. Áirítear leis:
- scagadh ar radharc na súl agus ar éisteacht
- vacsaíní
- seiceáil fiaclóireachta lena n-áirítear seirbhís choisctheach agus cóireála
Táim ag scríobh arís anois chun nuashonrú a rinneadh le déanaí ar an reachtaíocht maidir leis na sonraí sin a roinnt a chur in iúl duit.
Rialacháin Nua
Shínigh an tAire Sláinte dhá Rialachán reachtúla nua le déanaí agus é ag feidhmiú a chumhachtaí faoi na hAchtanna Sláinte. Is iad sin:
- Na Rialacháin um Ghalair Aicídeacha (Leasú) (Uimh. 3), 2024; agus
- Na Rialacháin Sláinte (Faisnéis a Sholáthar don tSeirbhís Scrúdaithe agus Cóireála Sláinte), 2024.
Leagtar amach sna Rialacháin sin an fhaisnéis atá le cur ar fáil do FSS ag scoileanna de bhun iarratais a bhaineann le seirbhís scrúdaithe agus cóireála an Chláir Sláinte Scoile do dhaltaí agus/nó imdhíonadh faoin gClár Náisiúnta um Imdhíonadh…. Léigh tuilleadh anseo