Acmhainní/Oiliúint Ríomhfhiosraithe

Oiliúint Ríomhfhiosraithe

Is é seo an leathanach oiliúna do ríomhfhiosrú na nGardaí. Tá gach ábhar eile a bhaineann leis an ríomhfhiosrú ar fáil ag: https://www.foras.ie/riomhfhiosru/

Tá nuashonruithe tugtha isteach ag na Gardaí ar an bpróiseas ríomhfhiosraithe m.sh. foirmeacha nuashonraithe, iniúchtaí randamacha ó na Gardaí, seoltaí thar lear á seiceáil &rl. Beidh scoileanna an Fhorais lán-oilte sa phróiseas leasaithe agus an oiliúint seo curtha i gcrích acu. Tabharfaidh sé cosaint do gach scoil i gcás iniúchta ó na Gardaí agus cinnteoidh sé na caighdeáin is airde maidir le cosaint leanaí.

Is gá do gach fostaí a bheadh ag plé leis an ríomhfhiosrú tabhairt faoin oiliúint. Beidh teastas bronnta ar an scoil ag tabhairt le fios cé atá oilte agus in ann plé leis an ríomhfhiosrú agus beidh gach scoil cláraithe leis na Gardaí mar ‘scoil chlamhnaithe’ de chuid An Foras Pátrúnachta.

Beidh an oiliúint seo le bheith curtha i gcrích ag gach scoil faoin 17 Aibreán 2026. Tagann an próiseas i bhfeidhm do gach scoil ón 18 Aibreán 2026.

Céim 1: Físeán Oiliúna

Tá an físeán oiliúna seo ullmhaithe againn do gach fostaí sa scoil a bheidh ag plé le ríomhfhiosrú na nGardaí.

Cliceáil ar “CC” le fotheidil a chur ar siúl ar an bhfíseán. Cliceáil ar an roth “Settings” le teanga na bhfotheidil a roghnú (Gaeilge / Béarla).

Nuair a bheidh tú réidh leis an bhfíseán, bog ar aghaidh go Céim 2 ar an gcéad táb eile.

Is féidir leat filleadh ar an bhfíseán seo má bhíonn ceist agat sa todhchaí.

Céim 2: Teastas Oiliúna

Comhlánaigh an fhoirm thíos chun deimhniú go bhfuil an oiliúint déanta agat. Beidh na sonraí ón bhfoirm úsáidte chun teastas a chur ar fáil don scoil.

</p> <p> </p> <p>

Teagmháil & Ceisteanna

Má tá aon cheist agat faoin oiliúint nó faoin bpróiseas ríomhfhiosraithe, déan teagmháil linn ag garda@foras.ie

Tá na foirmeacha, eolas &rl ar fáil ag foras.ie/riomhfhiosru/

Ceisteanna Coitianta

Tá taithí na mblianta agam leis an bpróiseas. An gá dom tabhairt faoin oiliúint?

Má tá tú ag dul a bheith ag plé leis an ríomhfhiosrú sa scoil, is gá. Tá tuairiscithe ag na Gardaí linn ó iniúchtaí nach raibh cuid de na nósanna atá i bhfeidhm le blianta leanta mar is ceart ag cuid scoileanna.

Tá mé i mo phríomhoide feidhmeach. An féidir liom an oiliúint a dhéanamh anois chun gur féidir liom plé leis na hiarratais sa scoil?

Is féidir. Chomh luath agus a sheolfaí an jotform ar tháb 2 isteach, beidh tú in ann tabhairt faoin obair.

Cad atá i gceist le ‘bailíochtóir’?

Deimhníonn an bailíochtóir go bhfuil na cáipéisí ón iarratasóir ag teacht leis na treoirlínte ó na Gardaí. Tá na treoirlínte ar lch.1 den NVB1 agus tá an fhoirm bhailíochtaithe ar lch.3. Is ionann bailíochtóir agus gach fostaí oilte sa phróiseas ríomhfhiosraithe.

Cé atá in ann / cé mhéid duine atá in ann an oiliúint seo a dhéanamh?

Is féidir le haon fhostaí scoile an oiliúint a dhéanamh agus tabhairt faoin obair ríomhfhiosraithe. Moltar go mbeadh beirt ar a laghad oilte i ngach scoil. Bíonn príomhoidí agus rúnaithe ag tabhairt faoin obair seo go hiondúil ach tá ciall le príomhoidí tánaisteacha, príomhoidí feidhmeacha, ceannaire bliana na hidirbhliana, foireann bhreise/ionadaíochta san oifig &rl a bheith oilte.

An é nach gá dom an fhoirm NVB3 a sheoladh chuig AFP a thuilleadh?

Sin cruinn. Beidh an fhoirm le coinneáil sa scoil leis na cáipéisí eile.

Tagann daltaí idirbhliana ó mheánscoileanna in aice láimhe. An mbaineann an próiseas seo leo?

Tá a nósanna imeachta féin ag gach pátrún. Ní mór do gach iarratasóir nós imeachta na scoile ina bhfuil siad ag cur isteach ar a leanúint. Mar shampla, ní mór do dhalta idirbhliana nós imeachta na scoile ina bhfuil siad ag iarraidh taithí oibre a dhéanamh a leanúint. Is cuma cén pátrún atá ag an meánscoil.

An bosca ‘Do thagairt’ ar bharr an NVB1, cad a scríobhaim ansin?

Ní cheadaíonn na Gardaí aon eagarthóireacht a dhéanamh ar an bhfoirm, faraor. Níl aon fheidhm ag an mbosca sin i gcás AFP. Fág bán é.

An féidir le hainm an duine a bheith i mBéarla nó i nGaeilge?

Ní féidir. Is gá go mbeidh an t-ainm 100% mar an gcéanna leis an gcárta aitheantais. Ní féidir glacadh le ‘Seán Ó Murchú’ agus cáipéisí aitheantais ‘John Murphy’.