Ní fhéadfaimis An Foras Pátrúnachta a mholadh ard go leor, bíonn siad i gcónaí ann dúinn

Póla Ní Chinnsealaigh, Príomhoide, Gaelscoil Ruairí

Cé muid?

Is é An Foras Pátrúnachta an pátrún is mó in Éirinn ar scoileanna lán-Ghaeilge ag an gcéad agus an dara leibhéal. Tá 80 scoil faoinár bpátrúnacht. Tá An Foras Pátrúnachta ina phátrún ar scoileanna lán-Ghaeilge a bhfuil éiteas Caitliceach, Ilchreidmheach, Ionchreidmheach agus Idirchreidmheach (Caitliceach / Protastúnach) acu. Is eagraíocht bainistíochta aitheanta é An Foras Pátrúnachta freisin. Is mian linn líon na scoileanna lán-Ghaeilge a fhás ionas go mbeidh gach tuismitheoir a roghnódh oideachas lán-Ghaeilge in ann teacht ar an rogha sin dá bpáistí.

Bunaíodh An Foras Pátrúnachta sa bhliain 1993 ionas go mbeadh rogha eile ag scoileanna maidir le pátrúnacht. An fhís atá ag An Foras Pátrúnachta ná oideachas lán-Ghaeilge den scoth a chothú, a fhorbairt agus a leathnú sa tír.

Tá An Foras Pátrúnachta aitheanta ag An Roinn Oideachais agus Scileanna mar chóras pátrúnachta atá inghlactha agus cuí do scoileanna ag an gcéad agus an dara leibhéal.

• Tá Fealsúnacht An Foras Pátrúnachta le léamh anseo.
• Tá Polasaí um Earcaíochta An Foras Pátrúnachta le léamh anseo.
• Tá Polasaí Coinbhleachta Leasa An Foras Pátrúnachta ar fáil anseo.
• Tá Cód Iompair d’Iontaobhaithe (Stiúrthóirí) An Foras Pátrúnachta ar fáil anseo.
• Tá Polasaí Chosaint Leanaí (GDPR) An Foras Pátrúnachta ar fáil anseo