An Scéim um Chóiríocht Bhreise

Is é cuspóir na scéime seo ná a chinntiú go bhfuil cóiríocht riachtanach seomraí ranga ar fáil chun freastal ar dhaltaí atá rollaithe sa scoil gach bliain. Sa chás nach féidir le cóiríocht reatha na scoile an gá a chomhlíonadh déantar iarratas ar chóiríocht bhreise. Íoslódáil an scéim anseo

Oibreacha

Oibreacha Éigeandála

Is é príomhchuspóir na Scéime Oibreacha Éigeandála ná maoiniú a chur ar fáil le haghaidh oibreacha práinneacha do na scoileanna sin a bhfuil acmhainní ag teastáil go géar uathu mar gheall ar chás éigeandála nó tar éis iarratas rollaithe ó dhalta riachtanas speisialta a fháil.

Oibreacha Samhraidh

Is é cuspóir Scéim na nOibreacha Samhraidh ná deontas a bhronnadh ar scoil chun gur féidir leo oibreacha tógála ar scála beag a dhéanamh, a d’fhéadfaí a chur i gcrích le linn mhíonna an tsamhraidh nó ag amanna eile nuair nach gcuirfidís isteach ar obair laethúil na scoile.

Léasanna, Árachas, Troscán & Cothabháil

Léasanna

Nuair a bhíonn léas ar fhoirgneamh scoile is iad an Foras Pátrúnachta nó an Roinn Oideachais a shíníonn an léas. Chuige sin is gá go mbeadh An Foras Pátrúnanchta lárnach sa phlé agus sa chomhaontú i gconaí. 

Árachas

Má tá ceist ar bith faoi chúrsaí árachais glaoigh ar Ciaran Doyle – Aston Lark  0868367320. Is féidir teagmháil a dhéanamh leis an oifigeach cóiríochta freisin chun tacaiocht agus comhairle  a fháil.  

Cothabháil Foirgnimh

Tá sé rí-thábhachtach go mbeadh cothabháil rialta á dheanamh ar fhoirgnimh scoile chun oibreacha eigeandala etc. a sheachaint. Chuige sin, tá sé de dhulagas ar gach scoil comhaid cothabhála a choinneáil ina bhfuil plean cothabhála leagtha amach go soiléir. Is féidir leis an oifigeach cóiríochta cabhrú agus tacú le príomhoidí chun e csro  a chur i gcrich. 

Deontais Troscáin, TE etc. 

Má tá ceist ar bith agat faoi dheontais atá ar fáil ní gá ach teagmháil a dhéanamh leis an oifigeach cóiríochta. 

Eolas tábhachtach sa bhreis

Cláir Feabhsúcháin Bainistíocht

• • Cláir Feabhsúcháin Bainistíocht Aispeiste anseo
  • Bainistíocht Múscáin Cláir Feabhsúcháin anseo

Idirbheartaíocht

Idirbheartaíocht leis na rannóga eagsúla sa Roinn Tógála laistigh den Roinn Oideachais ar son na scoile 

Is í an t-oifigeach cóiríochta a dhéanann an phlé leis an Roinn Oideachais maidir le h-iarratais cóiríochta ar son scoileanna. 

Treoir tríd doiciméid um threoir theicniúil

Tá iliomad doiciméid um threoir theicniúil foilsithe ag an Roinn Oideachais. Is féidir leis an Oifigeach cóiríochta príomhoidí agus Boird Bainistíochta a threorú i dtreo na doiciméid cuí nuair a bhíonn gá.

Céatadán don Ealaín

Bronntar deontas ar gach foirgneamh buan chun píosa ealaíne a dhearadh agus a chur ar fáil sa scoil. Seo iad na treorlínte

Freastal ar Chruinnithe

Freastalaíonn an t-oifigeach cóiríochta ar chruinnithe i rith an phróiséas tógála, aistrithe scoile/sínte scoile do gach ceann dár scoileanna.