0029/2026: Rátaí Athbhreithnithe ar Mhaoiniú Deontais Seirbhísí Coimhdeacha do Scoileanna
1. Réamhrá
Is é cuspóir Ciorcláin 0029/2026 ná an ráta athbhreithnithe in aghaidh an duine is infheidhme maidir leis an Deontas Seirbhísí Coimhdeacha a leithdháiltear ar Bhunscoileanna aitheanta do 2026 a leagan amach. Tagann an ciorclán seo in ionad Chiorcláin 0017/2021.
Tar éis do Fhórsa glacadh le comhaontú an Choimisiúin um Chaidreamh san Áit Oibre (CCÁO) maidir le tuarastail agus saoire do rúnaithe scoile atá maoinithe ag deontais, cuireadh na rúnaithe a ghlac leis an gcomhaontú le párolla na Roinne Oideachais agus Óige ó Mheán Fómhair 2023. Mar gheall air seo, tá an maoiniú a bhaineann le deontas coimhdeach nuashonraithe, toisc nach bhfuil scoileanna ag íoc na dtuarastail seo go díreach a thuilleadh.
Ó Eanáir go Lúnasa 2026, laghdófar maoiniú deontais bunaithe ar thuarastail a d’íoc scoileanna le rúnaithe a fuair maoiniú deontais sular aontaigh siad leis na téarmaí agus coinníollacha nua. Tá an fhaisnéis tuarastail tugtha ag na scoileanna don Roinn, agus tá sé seo á úsáid anois chun an maoiniú a bhaineann le deontas coimhdeach a laghdú. Tá comhfhreagras eisithe ag an roinn chuig scoileanna ina bhfuil sonraí faoi na socruithe do gach tréimhse eatramhach ó Mheán Fómhair 2023.